“好多人認為財經唔太關自己事，但其實，你唔搵財經，財經會自己黎搵你。想更清楚呢個世界每日發生緊咩？點樣可以幫自己搵啲零用錢？咁就要入黎睇啦。”
現時銀行審批按揭會考慮申請者嘅3樣要項：入息比率、職業穩定性、信貸紀錄。其實，要借到高成數按保，唔一定要薪高糧準嘅律師、醫生、公務員、工程師，其他職業又未必無辦法。
最易申請高成數按揭職業：
1) 公務員：e.g. AO、EO、警察、消防員
2) 專業人士：e.g. 醫生、律師、會計、測量師
3) 穩定入息者：e.g. 教師、行政人員、文員
一般固定受薪僱員，會有稅單、公司證明、強積金供款紀錄等作為入息證明，業界將呢類人士分類為有穩固收入(Solid Income)，計算供款負擔時比較簡單。相比收入非固定，又或者入息證明不足嘅話，業界會將呢類分為非穩固收入(Non-Solid Income)；唔少自僱人士，例如私人補習導師、自行經營網上業務者等等，未必有報稅及強積金供款紀錄，銀行審批他們的按揭申請嘅時候，標準就會同受薪人士唔同。
高危工種：
1) 自僱人士：
＊經營網購嘅創業年輕人，通常會比銀行視為非固定收入嘅自僱人士，審批會比較嚴格，想獲批8成按保，要記得申請商業登記證，最近一年嘅利得稅單、經審核的財務報表同至少六個月公司同個人嘅銀行紀錄。自僱人士記得要養成每月入數習慣，因為銀行可以用出糧戶口入數紀錄做收入證明。所以申請人要保留3至6個月紀錄，有助申請按揭。另外，租金、股息可計入個人收入，增加獲批按揭成數。
2) 浮動薪金：如保險經紀、地產經紀
＊近年紮鐵工人非常吃香，呢類工種可獲批高成數嘅按揭，雖然冇固定返工日數，但最多都做到8成按揭。另外，用支票出糧嘅話，謹記要入落同一個銀行戶口，同保留半年或以上嘅紀錄，提交強積金、報稅表等銀行要求嘅資料，去增加「過關」機會。
如果好似經紀呢啲行業，薪金依賴bonus，即使bonus係巨額，但都唔屬於固定收入，基本上都做唔到9成按揭。所以都建議買樓前去銀行做壓力測試，而測試係免費的，可以預先了解自己嘅財務狀況。
